Минск
+1 oC
USD: 2.12
EUR: 2.36

Сепаратысты ўсiх краiн

Тэма еўрапейскага сепаратызму пакуль не закрытая.
Тэма еўрапейскага сепаратызму пакуль не закрытая. Наадварот, яна набірае моц. У Еўрасаюзе існуе досыць суб’ектаў, якія прэтэндуюць на статус асобных дзяржаў. Новыя ачагі напружання — Шатландыя, Каталонія, Паўночная Італія і Фландрыя. Аднак у адрозненне ад мінулых часоў патрабаванні цяперашніх “барцоў за незалежнасць” маюць хутчэй эканамічны, чым нацыяналістычны характар. Іх сутнасць — абарона рэгіянальных фінансавых, інвестыцыйных інтарэсаў і апора на сярэдні клас, а не на жабракоў.

Прынамсі, пасля Другой сусветнай вайны праблема меж і самавызначэння тэрыторый была ў асноўным вырашана. Толькі некалькі цэнтраў супрацьстаяння не давалі спакойна спаць урадам — Паўночная Ірландыя, Краіна Баскаў і Корсіка. Але на пачатку XXI стагоддзя яны зніклі. 

І вось зноў “незалежны” плебісцыт. Днямі на карысць аддзялення ад Іспаніі выказаліся больш за 80 працэнтаў каталонцаў. У акцыі ўзялі ўдзел каля двух мільёнаў чалавек. Праўда, гэтае апытанне насельніцтва насіла неафіцыйны характар: умяшаўся Канстытуцыйны суд Іспаніі.

Мадрыд лічыць, што “пытанні суверэнітэту павінен вырашаць увесь іспанскі народ, а не жыхары аднаго рэгіёна”. У верасні ў аналагічным плебісцыце пацярпелі паражэнне і шатландскія “барцы” за выхад з Вялікабрытаніі. Так што далейшае развіццё “сепаратысцкай” сітуацыі — гэта тлеючы кнот.

Не могуць не звярнуць на сябе ўвагу падзеі ва Украіне. Прабачце, але міжволі ўзнікаюць гістарычныя паралелі, усплывае неспакойны паслярэвалюцыйны Кіеў пачатку XX стагоддзя, апісаны бессмяротным Міхаілам Булгакавым... 

“Нам неабходна спыніць махноўшчыну на вуліцах Кіева... Нам трэба прадумаць механізмы і зрабіць так, каб зброя заставалася ў зоне баявых дзеянняў, абараняла дзяржаву ад агрэсара, а не распаўсюджвалася па ўсёй краіне”, — запатрабаваў цяперашні пракурор украінскай сталіцы Сяргей Юлдашаў. Людзі са зброяй з зоны антытэрарыстычнай аперацыі запоўнілі горад, сталі праблемай. Свае прэтэнзіі кіраўнік ведамства направіў прадстаўнікам добраахвотных ваенізаваных батальёнаў. За апошнія некалькі месяцаў іх удзельнікі ажыццявілі каля 30 цяжкіх і асоба цяжкіх злачынстваў. 

Вось такія навіны. Сустрэнемся...

Ігар Савосценка, галоўны рэдактар

sav@sb.by
Заметили ошибку? Пожалуйста, выделите её и нажмите Ctrl+Enter
Загрузка...