На Гянджынскім аўтамабільным заводзе ў Азербайджане наладжана зборачная вытворчасць аўтамабіляў “МАЗ”.
Афіцыйнае адкрыццё гэтага прадпрыемства адбылося ў канцы красавіка. Аснова ж праекта была закладзена падчас візіту ў Беларусь прэзідэнта Азербайджана Ільхама Аліева ў кастрычніку мінулага года.
Як адзначыў начальнік упраўлення знешнеэканамічных сувязяў Мінскага аўтамабільнага завода Анатоль Лаўрыновіч, запуск вытворчасці ў Гянджы стаў самым хуткім праектам па арганізацыі зборачнага прадпрыемства аўтамабіляў “МАЗ” за мяжой. Дапамагчы азербайджанскім партнёрам на пачатковым этапе у горад Гянджа былі накіраваны спецыялісты з Мінска. Беларускае прадпрыемства своечасова паставіла неабходнае абсталяванне, вузлы і камплектуючыя.
Першымі аўтамабілямі, што былі сабраны на Гянджынскім заводзе, сталі некалькі самазвалаў і бартавы аўтамабіль. Усе яны ўдзельнічалі ў Нацыянальнай выставе Беларусі ў Азербайджане, якая праходзіла ў Баку ў пачатку мая.
Дарэчы, паводле да-дзеных цэнтра грамадскіх сувязяў Мінскага аўтамабільнага завода, калі ў 2006 годзе ў Азербайджан усяго былі экспартаваны 63 машыны, то сёлета толькі за чатыры месяцы бягучага года туды пастаўлена ўжо больш за 70 аўтамабіляў “МАЗ”.
Уладзімір Дорахаў
Самы хуткі сумесны праект
На Гянджынскім аўтамабільным заводзе ў Азербайджане наладжана зборачная вытворчасць аўтамабіляў “МАЗ”