Паважаныя сябры!
7-8 чэрвеня 2016 года ў Мінску адбудзецца трэці Форум рэгіёнаў Беларусі і Расіі, у якім плануецца ўдзел Прэзідэнта Рэспублікі Беларусь Лукашэнкі А.Р. і Прэзідэнта Расійскай Федэрацыі Пуціна У.У.
Умацаванне дружбы і супрацоўніцтва Рэспублікі Беларусь з Расійскай Федэрацыяй, ажыццяўленне глыбокай і ўсебаковай інтэграцыі з’яўляюцца прыярытэтным напрамкам знешняй палітыкі нашых краін. Беларусь разглядае супрацоўніцтва з рэгіёнамі Расіі як адзін з важных складнікаў стратэгічнага ўзаемадзеяння, якое адкрывае шырокія магчымасці для рэалізацыі ўзгодненай і ўзважанай сацыяльна-эканамічнай палітыкі ў Саюзнай дзяржаве.
Форум рэгіёнаў Беларусі і Расіі стаў зручным і папулярным месцам для адкрытай дыскусіі бізнесу, улады і грамадства па самых актуальных напрамках супрацоўніцтва нашых краін.
Праграма трэцяга Форуму аб’ёмная і разнастайная. Спадзяёмся, гэта будзе канструктыўны і зацікаўлены абмен думкамі па пытаннях развіцця сацыяльна-гуманітарных сувязяў, узаемадзеяння ў сферах прамысловасці і сельскай гаспадаркі.
Ініцыятывы і рэкамендацыі, камерцыйныя праекты і кантракты, выпрацаваныя ў рамках Форуму, будуць запатрабаваныя і паслужаць актыўнаму сацыяльна-эканамічнаму развіццю нашых краін, павышэнню дабрабыту беларускага і расійскага народаў.
Запрашаем усіх зацікаўленых прыняць удзел у гэтым мерапрыемстве.
Міхаіл Мясніковіч, Старшыня Савета Рэспублікі Нацыянальнага сходу Рэспублікі Беларусь
