Мініяцюры
Давалі — даюць
Ах, колькі было спадзяванняў
і мрояў,
Бо хочаш, браток мой, ты вер
ці не вер,
Раней за каноплі давалі Герояў,
Турму «за каноплі» даюць цяпер.
Найкаштоўнейшае
Мы да нуля дайшлі амаль,
З нуля падняцца цяжка,
мой харошы.
Раней найкаштоўнейшай
была мараль,
Цяпер найкаштоўнейшае —
грошы.
Праблема
Жыць трэба так, як набяжыць…
А паімкненні… Дзе іх дзець?
Раней было: ах, як бы выжыць?!
Цяпер: ах, як бы пахудзець…
Уладзімір ПРАВАСУД