Минск
+3 oC
USD: 2.21
EUR: 2.39

Ісламскі фактар, расавыя і рэлігіёзныя пытанні цяпер моцна ўплываюць на настроі грамадства ў большасці краін

Пярэваратні

Пакуль увага міжнароднай супольнасці сфакусаваная на ліквідацыі асноўнай часткі тэрарыстычнага інтэрнацыяналу ў Сірыі і Іраку, за зброю і выбуховыя прылады бяруцца ў дзеючых тайных суполках радыкальных ісламістаў у розных кутках свету. Так, колькасць загінуўшых у нядаўнім тэракце ў Пакістане склала 52 чалавекі, у афганскім Кабуле ад рук баевікоў загінулі шасцёра.

Ісламскі фактар, расавыя і рэлігіёзныя пытанні цяпер моцна ўплываюць на настроі грамадства ў большасці краін. Напрыклад, ФБР ЗША ў сваім штогадовым дакладзе, апублікаваным на сайце ведамства, канстатуе: у Злучаных Штатах з-за нянавісці да мусульман на 67 працэнтаў узрасло чысло адпаведных злачынстваў.

Дагэтуль не змяншаюцца патокі вымушаных перасяленцаў з зоны канфліктаў, якія масава бягуць з Блізкага Усходу і Паўночнай Афрыкі ў  самую прывабную да іх “заходнюю вітрыну” — Еўрасаюз. А пад выглядам мігрантаў, вядома, у ЕС трапляюць і “перафарбаваныя”  экстрэмісты з прафесійным вопытам вядзення баявых дзеянняў, падрыхтоўкі тэрактаў. У тым ліку грамадзяне ЕС, якія змагаліся на баку ісламістаў. Сапраўдныя пярэваратні, якіх не выкрыеш у звычайным жыцці. Апаску масавага вяртання ў Стары Свет да пяці тысяч джыхадзістаў выказалі ўлады Бельгіі. Паводле звестак МУС, 117 бельгійцаў ужо вярнуліся дадому, 200 пакуль працягваюць ваяваць за так званую “Ісламскую дзяржаву”.

Днямі ў дзесяці федэральных нямецкіх землях прайшла спецаперацыя супраць тэрарыстаў. Паліцыя арыштавала некалькі чалавек, сярод якіх кіраўнік філіялу “Ісламскай дзяржавы” ў Германіі: баевікі займаліся вярбоўкай рэкрутаў для арганізацыі актаў тэрору. Рэдкая ўдача, паколькі часцей затрымліваюць драбязу.

Падобная статыстыка ёсць і ў Францыі — у шэрагах  радыкалаў сёння каля 700 французскіх грамадзян. Праўда, 300 патэнцыяльных баевікоў тамтэйшыя спецслужбы ўсё ж абясшкодзілі. Урад мусіць прасіць парламент чарговы раз падоўжыць рэжым надзвычайнага становішча (РНС) — асабліва напярэдадні прэзідэнцкіх выбараў у красавіку 2017-га. Нагадаю, РНС быў уведзены прэзідэнтам Аландам адразу пасля леташніх тэрактаў у Парыжы 13 лістапада, якія праваахоўныя органы краіны “праспалі”. Білі ісламісцкае бандпадполле фактычна “па хвастах”, калі ў падрыхтоўцы тэрактаў дзейнічала жорсткая лагістычная схема.

Тым часам ФСБ спыніла дзейнасць удзельнікаў дзвюх тэрарыстычных груповак на тэрыторыі суседняй Расіі, якія планавалі серыю тэрактаў на тэрыторыі Масквы, Санкт-Пецярбурга, Інгушэціі.

Вось такія навіны. Сустрэнемся...
Заметили ошибку? Пожалуйста, выделите её и нажмите Ctrl+Enter
Загрузка...