Камп'ютарная гульня Angry Birds была распрацавана фінскай кампаніяй Rovio ў 2009 годзе. Карыстальнікі гульні з дапамогай рагаткі запускаюць бяскрылых птушак у будынкі, у якіх сядзяць свінні. Асноўная задача — знішчыць праціўніка і набраць як мага больш ачкоў. Гульня і яе наступныя версіі атрымалі неверагодную папулярнасць.
У 2011 годзе кампанія Rovio заявіла, што ўсяго прадукты Angry Birds прынеслі ёй каля 56 мільёнаў еўра пры стартавых укладаннях у 100 тысяч еўра. На той момант Angry Birds была самай папулярнай і прыбытковай гульнёй у гісторыі мабільных платформ. На аснове Angry Birds сталі здымаць мультфільмы і паўнаметражныя фільмы. А нядаўна прадстаўнікі платформы Netflix паведамілі, што ў 2021 годзе на экранах з'явіцца анімацыйны серыял Angry Birds: Summer Madness. Яго галоўнымі героямі стануць птушкі Рэд, Бомб і Чак, паведамляе ria.ru. Апынуўшыся ў летнім лагеры, яны пачнуць змагацца з «агіднымі свіннямі», якія жывуць на другім баку возера і хочуць разбурыць усё навокал. У серыял увойдуць 40 эпізодаў працягласцю 11 хвілін.
mila@sb.by
