Здаўна на нашай зямлi Масленiца — яркае, самабытнае свята. У гэты дзень можна скiнуць з сябе зiмовую стому i на ўвесь голас гукнуць: “Прывiтанне, вясна!”. I добра, што сёлетняя вясна-красуня з гурбамi ды марозамi — столькi забаў можна прыдумаць.
У мiнулую нядзелю сапраўдае народнае гулянне наладзiлi камiтэт па адукацыi Мiнгарвыканкама, адмiнiстрацыя Цэнтральнага раёна i Мiнскi дзяржаўны палац дзяцей i моладзi. Вось такая Вясна вiтала гасцей, запрашала iх паспрабаваць свае сiлы на лыжнi i паназiраць за ходам рыцарскiх паядынкаў, пакатацца з горкi i, зразумела ж, паласавацца блiнцамi...
