Прыручэнне энергii

Вiцебск. Культурна-дзелавы цэнтр «Вiцебск» сустрэў шматлiкiх гасцей, якiя сабралiся абмеркаваць надзвычай актуальную для ўсяго чалавецтва праблему – энергазберажэнне. Спецыялiзаваная III мiжнародная канферэнцыя ўсе мерапрыемствы аб’ядноўвае тэмай «Энергазберагаючыя тэхналогii: абсталяванне i матэрыялы». Будзе працаваць выстава «Высокатэхналагiчная прадукцыя». Але самае, пэўна, прыцягальнае, што з распрацоўкамi выказалi жаданне азнаёмiцца практыкi – кiраўнiкi i спецыялiсты самых розных аб’ектаў гаспадарання розных форм уласнасцi. I гэта зразумела, бо без укаранення сучасных тэхналогiй у галiне энергазберажэння любое грамадства заходзiць у тупiк.