«АРТ-Жыжаль» праходзіў у палявых умовах на беразе Бярэзіны. Пад кіраўніцтвам аўтара ідэі і галоўнага арганізатара вядомага беларускага мастака-кераміста Валерыя Калтыгіна ўдзельнікі стваралі свае працоўныя месцы, будавалі печы, нарыхтоўвалі дровы — абпальванне работ па старажытных тэхналогіях з’яўляецца галоўнай разынкай пленэру.
Тэмай сёлетняга форуму стала «Мастацтва як свет самавыяўлення». Мастакі прадэманстравалі шырокі дыяпазон пластычных уласцівасцей гліністых матэрыялаў і спосабаў апрацоўкі паверхні скульптурных форм, стварыўшы каля сотні ўнікальных работ. Цяпер яны размешчаны ў экспазіцыі Нацыянальнага цэнтра сучасных мастацтваў. Выстава будзе працаваць да 1 снежня.
mila@sb.by
