У Петрыкаўскім раёне пачалі масавую ўборку збожжавых
Сімвалічныя «Зажынкі-2013» прайшлі ў КСУП «Капаткевічы» і далі пачатак уборачнай кампаніі ва ўсім раёне. Спачатку ў КСУП камбайны пачнуць уборку 414 га азімай пшаніцы, потым настане чарга і астатніх 1436 гектараў. Усяго ў гаспадарцы плануюць сабраць больш за 5 тысяч тон зерня.
А тым часам у рэспубліцы ўбраны азімы рапс з 59,1 тысячы гектараў, што складае 16,2 % ад адведзеных пад культуру плошчаў.
На здымку: першы сноп новага ўраджаю Таццяна МАРОЗАВА ўручае мінулагоднім пераможцам раённага жніва — маладзёжнаму экіпажу ў складзе камбайнера Фёдара НЕСЦЯРЧУКА і памочніка камбайнера Руслана КАЧЭЛІ (злева) і дырэктару КСУП «Капаткевічы» Аляксандру ПІНЧУКУ.
Фота: БЕЛТА