Цырымонія перадачы тыражу кнігі Мікалая Зяньковіча “Гейдар Аліеў. Зігзагі лёсу” адбылася ў Міністэрстве замежных спраў Беларусі.
Уручаючы кнігі паслу Азербайджана ў Беларусі Алі Цеймур аглы Нагіеву, першы намеснік міністра замежных спраў Ігар Петрышэнка падкрэсліў, што ў гэтым унікальным выданні вельмі змястоўна апісана жыццё і дзейнасць Гейдара Аліева.
Першы намеснік міністра замежных спраў звярнуўся да пасла Азербайджана з просьбай распаўсюджваць тыраж кнігі на беларускай мове як сярод азербайджанцаў, беларускай дыяспары, так і сярод беларускіх грамадзян, якія заўсёды цёпла ставіліся да азербайджанскага народу.
Алі Цеймур аглы Нагіеў выказаў удзячнасць аўтару выдання і падкрэсліў, што кніга “Гейдар Аліеў. Зігзагі лёсу”, выпушчаная на беларускай мове, з’яўляецца сведчаннем шчырага сяброўства двух народаў.
Дзіяна Грышанава
Пацвярджэнне шчырага сяброўства
Цырымонія перадачы тыражу кнігі Мікалая Зяньковіча “Гейдар Аліеў. Зігзагі лёсу” адбылася ў Міністэрстве замежных спраў Беларусі.