Тым не менш патэнцыял эканамiчных сувязей дзвюх краiн рэалiзаваны толькi часткова. Гэта перакананне выказаў намеснiк мiнiстра замежных спраў Вiктар Гайсёнак, адкрываючы ўчора ў Мiнску выставу прадпрыемстваў Iндыi.
Па 30 жнiўня свае тавары ў Нацыянальным выставачным цэнтры на праспекце Пераможцаў, 14 дэманструюць звыш 50 малых i сярэднiх прадпрыемстваў. У нашу краiну яны прывезлi тэкстыль, вырабы са шкуры, касметыку, медыкаменты, веласiпеды i, канешне ж, свае знакамiтыя чай i каву, а таксама iншыя тавары.
Нашы краiны маюць цесныя сяброўскiя сувязi, i трэба напоўнiць iх актыўнымi кантактамi ў эканамiчнай сферы, адзначыў на адкрыццi выставы Часовы павераны ў Справах Iндыi ў Беларусi Рагхунатх Мiшра. “Мы гатовы ствараць прадпрыемствы ў Беларусi, каб рэалiзоўваць iх прадукцыю ў краiнах СНД i Усходняй Еўропы. Iндыя, у сваю чаргу, з’яўляецца вельмi перспектыўным рынкам для збыту беларускай прадукцыi, — патлумачыў ён. — Нашы краiны, хоць i знаходзяцца геаграфiчна далёка адна ад другой, аднак iх шмат што зблiжае. У нас высокi навуковы патэнцыял, трэба больш плённа супрацоўнiчаць у сферы навукова-тэхнiчных праектаў”.
У свой час у Iндыi запрацаваў сумесны цэнтр парашковай металургii i новых матэрыялаў, цяпер рыхтуецца цэнтр оптыкi i лазераў, у планах — супрацоўнiцтва ў сферы аўтатрактарабудавання, электронiкi, iнфармацыйных тэхналогiй. “Пачынаецца з кантактаў, працягваецца ў кантрактах i завяршаецца ўкараненнем распрацовак i рэалiзацыяй тавараў”, — адзначыў карэспандэнту “НГ” акадэмiк НАН Беларусi Алег Роман.
— Мы можам атрымлiваць iндыйскiя тавары не з трэцiх рук, як пераважна гэта адбываецца сёння, — перакананы старшыня Мiнскага сталiчнага саюза прадпрымальнiкаў i работадаўцаў У.Карагін. — Па вытворчасцi тавараў i паслуг малыя i сярэднiя прадпрыемствы ў эканомiцы Iндыi займаюць звыш 90 працэнтаў. Магчымыя варыянты iх работы ў Беларусi — стварэнне СП, адкрыццё гандлёвых дамоў i г.д..
Пачынаецца з кантактаў, завяршаецца ўкараненнем. Звыш 100 мiльёнаў долараў склаў па вынiках паўгоддзя тавараабарот Iндыi i Беларусi i амаль што наблiзiўся да аб’ёму, атрыманага за ўвесь 2004 год.
