Аўстрыец спрабаваў прарвацца праз мяжу Беларусі без аплаты паслуг сістэмы BelToll.
У пункце пропуску «Брэст» быў затрыманы вадзіцель, які спрабаваў як мага хутчэй патрапіць у Польшчу праз агароджу. Як высветлілася пазней, спяшаўся чалавек з-за таго, што не заплаціў за карыстанне нашымі дарогамі.
Што цікава, супрацоўнікі транспартнай інспекцыі ўказалі вадзіцелю на парушэнне, але да іх заўваг ён не прыслухаўся і літаральна ўзяў мяжу штурмам.
Пагранічнікі былі вымушаны перакрыць усе ўезды і выезды з рэжымнай тэрыторыі, у выніку чаго спроба прарыву была спынена.
