Унікальны макет Крэўскага замка XIV стагоддзя прэзентавалі на гэтым тыдні ў Нацыянальным гістарычным музеі. Новы праект з серыі VKL3D “Апыніся ў сэрцы гісторыі” створаны на падставе гістарычных, археалагічных, архіўных даследаванняў з выкарыстаннем тэхналогіі 3D-друку.
histmuseum.by
Каб “ажывіць” лічбавы макет, спатрэбілася некалькі 3D-прынтараў. Працэс друку заняў каля 180 гадзін. Разглядаеш макет і не верыш: камень, зямля, вада нібы сапраўдныя. А калі бярэш у рукі яшчэ і планшэт са спецыяльным дадаткам,
то замак сапраўды пачынае жыць. Дастаткова навесці экран на макет, як над замкам пачынаюць лятаць птушкі, каля ўваходу загараюцца факелы, і бачна, як ва ўнутраным дворыку рыцары рыхтуюцца да бітвы. Аўтары праекта запэўніваюць, што ён будзе дапрацоўвацца. Да прыкладу, наведвальнікі змогуць убачыць разбурэнні Крэўскага замка праз стагоддзі.
У гэтым годзе інтэрактыўны макет Крэўскага замка, паведамляе БЕЛТА, будзе дэманстравацца на міжнародным форуме “ТИБО-2019”, у Спартыўнай вёсцы падчас II Еўрапейскіх гульняў, а таксама на выставе ў Дзень беларускага пісьменства ў Слоніме.
mila@sb.by
В интерактивное путешествие по Кревскому замку смогут отправиться даже участники и и гости II Европейских игр.
Назад — у XIV стагоддзе
Полная перепечатка текста и фотографий запрещена. Частичное цитирование разрешено при наличии гиперссылки.