«Велікодны кірмаш» разгарнулі рамеснікі Гродзеншчыны на галоўнай вуліцы абласнога цэнтра ў мінулыя выхадныя.
Напярэдадні Вялікадня яны прапанавалі гараджанам вялікі асартымент тканых, вышытых, каваных, літых і іншых вырабаў, так ці інакш звязаных з гэтым святам.
Усе жадаючыя змаглі прыняць удзел у майстар-класах: умельцы вучылі распісваць пісанкі, дэкарыраваць яйкі ў тэхніцы дэкупажа, стужкамі, пацеркамі, афармляць «гродзенскія» галінкі і «віленскія» пальмы.