На тры дні Полацк, дзе праходзіць фэст сярэдневяковай культуры «Рубон», стаў сталіцай рыцарскага майстэрства.
Учора тут адбылося ўрачыстае адкрыццё фэсту, у якім удзельнічаюць заўзятыя аматары гісторыі з розных краін. Сёння тут адбудуцца прадстаўленне клубаў, турніры эпохі развітога сярэдневякоўя, а таксама тэатралізаваны конны турнір, масавыя рыцарскія спаборніцтвы. Жыхары і госці старажытнага горада змогуць пазнаёміцца не толькі з воінскімі звычаямі продкаў, спрытнымі дзеяннямі лучнікаў, крыху жудаснай экспазіцыяй «Прылады катаванняў», але і ўзяць у сапраўдных майстроў сваёй справы ўрокі рамёстваў і танцаў, паспытаць незвычайныя кулінарныя прысмакі. Самым відовішчным абяцае быць тэатралізаваны «Штурм замка ў эпоху ранняга сярэдневякоўя.
