Моладзь Мядзельшчыны асвойвае новы від спорту.
Прыдуманая сто гадоў таму настаўнікам адной з амстэрдамскіх школ гульня зараз развіваецца ў міжнародны від спорту. Па сутнасці, гэта адна з разнавіднасцей баскетбола, праўда, са сваімі асаблівасцямі ў правілах і абсталяванні.
Прэзентацыя корфбола і адпаведны семінар прайшлі ў Мядзельскім фізкультурна-аздараўленчым цэнтры. Настаўнікі фізічнай культуры з цікавасцю пераймалі навыкі ў час майстар-класа. Адбыўся нават і першы турнір. Зараз каманда юных корфбалістаў Мядзела рыхтуецца да ўдзелу ў Кубку Беларусі.
