Мудры смех

Выстава ў Нацыянальнай бібліятэцы знаёміць са шматграннай творчасцю Андрэя Макаёнка
Вялікая выстава “Драматург складанай камедыйнай думкі” прысвечана 90-годдзю народнага пісьменніка Беларусі. Больш за 140 экспанатаў расказваюць пра важкі плён працы Андрэя Макаёнка, яго значны ўклад у скарбніцу беларускага тэатра. Працаваў вядомы драматург і з кінематографам, напісаў сцэнарыі мастацкіх фільмаў “Шчасце трэба берагчы” (1958), “Рагаты бастыён” (1964), “Пасля кірмашу” (1974).
На выставе экспануюцца кнігі, пераклады Андрэя Макаёнка, сцэнарыі кінафільмаў і тэатральных пастановак. Дарэчы, яго найболей вядомыя п’есы “Выбачайце, калі ласка!” (1954), “Лявоніха на арбіце” (1961), “Трыбунал” (1970), “Зацюканы апостал” (1971), “Верачка” (1979) ставіліся на сцэнах тэатраў розных краін.