Ценителей прекрасного приглашают на триеннале «Канцэпт»

На галоўнай пляцоўцы трыенале — у Палацы мастацтва — выстаўлены работы каля 200 аўтараў. Тут можна ўбачыць як асобныя творы, так і цэльныя праекты аўтараў у розных жанрах і тэхніках выяўленчага і дэкаратыўна-прыкладнога мастацтва, фота, інсталяцыі, асамбляжы, арт-дызайн, відэа-арт, перформансы і іншыя мастацкія практыкі, паведамляе artpalace.by. Кожная работа прадстаўляе асобныя канцэпты, у якіх ёсць эксперыменты з формай, пластыкай, колерам, святлом, гульня з сэнсамі і зместамі.

Асобныя праекты трыенале праходзяць на іншых пляцоўках горада ў фармаце фестывалю мастацтва. Напрыклад, у Нацыянальнай бібліятэцы можна пазнаёміцца з выставачным праектам Movement, які, у прыватнасці, знаёміць з жывапісам з калекцыі Беларускага саюза мастакоў. 1 снежня ў Гарадской мастацкай галерэі твораў Л. Д. Шчамялёва адкрылася выстава, прысвечаная старэйшаму беларускаму авангардысту Аляксандру Салаўёву. А 8 снежня арт-гасцёўня «Высокае месца» запрашае на выстаўку эксперыментальнага тэкстылю Tex-experience.

Мастацкія метамарфозы, трансфармацыі, актуалізацыі, ператварэнні ў межах трыенале «Канцэпт» чакаюць аматараў прыгожага да 16 снежня