Манумент князю падораць спонсары

МІНІСТЭРСТВА культуры абвясціла творчае спаборніцтва разам з Беларускай дзяржаўнай акадэміяй мастацтваў. А рашэнне аб стварэнні і ўстаноўцы помніка Міндоўгу ў Навагрудку было прынята сумесна Міністэрствам культуры, Гродзенскім аблвыканкамам, Навагрудскім райвыканкамам. Аб гэтым карэспандэнту «БН» паведаміла прэс-сакратар ведамства Юлія ВІСКУБ.

У Беларусі аб’яўлены конкурс на стварэнне эскізных праектаў помніка вялікаму князю літоўскаму Міндоўгу

МІНІСТЭРСТВА культуры абвясціла творчае спаборніцтва разам з Беларускай дзяржаўнай акадэміяй мастацтваў. А рашэнне аб стварэнні і ўстаноўцы помніка Міндоўгу ў Навагрудку было прынята сумесна Міністэрствам культуры, Гродзенскім аблвыканкамам, Навагрудскім райвыканкамам. Аб гэтым карэспандэнту «БН» паведаміла прэс-сакратар ведамства Юлія ВІСКУБ.

Прыняць удзел у творчым спаборніцтве могуць айчынныя скульптары і архітэктары, якія маюць адпаведную прафесійную адукацыю. Асноўнае патрабаванне — кампазіцыйнае і пластычнае выкананне помніка павінна быць вытрымана ў найлепшых традыцыях класічнага і нацыянальнага манументальнага мастацтва.

Ужо вызначана месца, дзе «прапішацца» новаспечаны помнік. Яго ўсталююць у скверы на гарадской плошчы Навагрудка. Такім чынам, манумент арганічна ўпішацца ў агульны горадабудаўнічы план райцэнтра, у яго насычаны гісторыка-архітэктурнымі каштоўнасцямі гістарычны цэнтр.

Конкурсныя матэрыялы будуць разгледжаны журы на закрытым пасяджэнні не пазней 2 лістапада. А сам помнік будзе створаны за кошт пазабюджэтных сродкаў.

Нагадаю, што ваяўнічы князь Міндоўг — заснавальнік i першы гаспадар Вялікага Княства Літоўскага. Ён быў нашчадкам полацкіх князёў, унукам князя Расціслава.

Таццяна УСКОВА, «БН»

Заметили ошибку? Пожалуйста, выделите её и нажмите Ctrl+Enter
Версия для печати
Заполните форму или Авторизуйтесь
 
*
 
 
 
*
 
Написать сообщение …Загрузить файлы?