Маладыя галасы Беларусі
24.04.2007 01:00:00
21 малады выканаўца прадставіў у заключным туры конкурсу ўсе вобласці Беларусі і сталіцу. У суправаджэнні аркестра канкурсанты выканалі па аднаму твору вядомых беларускіх аўтараў, а іх прафесійнае майстэрства ацэньвала аўтарытэтнае журы пад кіраўніцтвам народнага артыста Беларусі кампазітара Эдуарда Зарыцкага. Гран-пры конкурсу заваявала жыхарка Маладзечна Алеся Кульша, першую прэмію атрымала бабруйчанка Анастасія Пагаржэльская, другая была прысуджана канкурсантцы з Фаніпаля Ірыне Вярковіч, трецяя прэмія — гамяльчаніну Паўлу Перавошчыкаву. Астатнія ўдзельнікі сталі дыпламантамі конкурсу. Урачыстая цырымонія ўзнагароджання пераможцаў адбудзецца 15—16 чэрвеня, на другі дзень фестываля "Маладзечна-2007". Гэты дзень будзе прысвечаны 125-годдзю з дня нараджэння беларускіх песняроў Янкі Купалы і Якуба Коласа.