Какие работы победили в конкурсе идей по созданию бренда Минска?

На адкрыты конкурс творчых iдэй «Мiнск — твае яркiя асацыяцыi» паступiла 56 работ. Заяўкi прымалi з 11 па 25 мая. Арганiзатары збiралi i вывучалi прадстаўленнi турыстаў i гараджан аб сталiцы Беларусi: самыя цiкавыя iдэi выкарыстоўваюць для фармiравання ўласнага стылю горада i яго пазнавальнага мiжнароднага аблiчча. Вызначаны 10 лепшых работ. Перамаглi тры ўдзельнiкi: першае месца заняла студэнтка БДУIР Яна Стрыгельская, другое — Канстанцiн Антанюк, трэцяе — супрацоўнiк КПУП «Мiнскрэклама» Уладзiмiр Лось.

Часцей за ўсё ў якасці сімвала канкурсанты выкарыстоўвалі выяву «брамы Мінска».

Захапляльныя славутасці

Пераможцаў узнагародзяць каштоўнымi падарункамi, а прызёраў — памятнымi сувенiрамi. Убачыць гатовыя iдэi неўзабаве змогуць усе жадаючыя: работы днямi апублiкуюць на сайце minsktourism.by. Аляксей Русакевiч, дырэктар iнфармацыйна-турысцкага цэнтра «Мiнск», расказаў падрабязнасцi:

— Часцей за ўсё ў якасцi сiмвала выкарыстоўвалi выявы Нацыянальнай бiблiятэкi, «брамы Мiнска», нацыянальны арнамент, абстрактныя вобразы i стылiзаваную лiтару «М». Удзельнiчалi ў асноўным студэнты ВНУ i ССНУ, iх выкладчыкi, а таксама ўсе, каму неабыякавы будучы стыль Мiнска. Мы хацелi не толькi ўбачыць лагатып цi слоган сталiцы, але i даведацца, што думаюць аб горадзе мiнчане i госцi.

Аляксей Яротаў, старшыня Беларускага геаграфiчнага таварыства, акцэнтаваў увагу:

— Для галасавання мы запрасiлi каля 10 000 чалавек з блiзкага i далёкага замежжа. Аказалася, што погляды знешнiх турыстаў на Мiнск прыблiзна такiя ж, як i ўдзельнiкаў конкурсу, — яны захапляюцца нашымi славутасцямi!

Армен Сардараў, член журы конкурсу, дэкан архiтэктурнага факультэта БНТУ, падзялiўся ўражаннямi аб прадстаўленых работах:

— Мы, калi выхоўваем архiтэктараў, разумеем: трэба не толькi быць прафесiяналам сваёй справы, але i любiць сваю краiну, зямлю, на якой жывеш. Адзначу, што канкурсанты з задавальненнем пранiклiся тэмай сваiх работ. Сапраўды вiдаць, што наш горад — частка iх жыцця. Яны паставiлiся да задачы нестандартна, з сапраўднымi пачуццямi, эмоцыямi. Iх работы выкананы на сусветным узроўнi. Дарэчы, акрамя распрацоўкi лагатыпа былi прапановы добраўпарадкаваць куткi Мiнска — гэта таксама вельмi важна. Рабяты выязджалi на месцы, размаўлялi з людзьмi i рабiлi высновы.

Iдэi для будучынi

Па словах дацэнта кафедры мiжнароднага турызму факультэта мiжнародных адносiн БДУ Людмiлы Факеевай, конкурс паказаў вялiкую зацiкаўленасць удзельнiкаў у распрацоўцы брэнда беларускай сталiцы i ў тым, каб паказаць, якiм бачаць Мiнск турысты:

— Прадстаўлены зусiм разнапланавыя работы, розныя ўзроставыя катэгорыi, адгукнулiся людзi з многiх сфер, неабыякавыя да таго, што будзе з турызмам у Мiнску. Цудоўныя работы, розныя па стылi, па настроi, але iх аб’ядноўвае тое, што горад вельмi любяць.

Вынiкi конкурсу падводзiлi з 1 па 5 чэрвеня. Iдэi лягуць у аснову турыстычнага iмiджу сталiцы, якi будзе вядомы не толькi ў нас, але i за мяжой. Аляксей Русакевiч анансаваў, што да канца гэтага года можна будзе пабачыць вынiкi.

ypopko@sb.by