Заключныя этапы нацыянальных адбораў XVIII Міжнароднага дзіцячага музычнага конкурсу «Віцебск-2020» і ХХІХ Міжнароднага конкурсу выканаўцаў эстраднай песні «Віцебск-2020» адбудуцца заўтра ў Лідзе. Горад невыпадкова прымае такія знакавыя мерапрыемствы — сёлета ён атрымаў ганаровы статус культурнай сталіцы Беларусі.
Пераможцаў адборачных тураў вызначыць прафесійнае журы, у склад якога ўвойдуць вядучыя спецыялісты ў галіне эстраднага мастацтва, папулярныя выканаўцы, музычныя прадзюсары, кампазітары і рэжысёры.
Жыхары і госці Ліды, якія прыйдуць заўтра ў Палац культуры, змогуць не толькі ўжывую падтрымаць канкурсантаў і атрымаць асалоду ад музычных выступленняў маленькіх і дарослых артыстаў, але і набыць сувенірную прадукцыю фестывалю «Славянскі базар у Віцебску». Выстава-кірмаш размесціцца ў холе Палаца культуры.
mila@sb.by
