Источник: Голас Радзiмы
Голас Радзiмы

Вялікі тэатр Беларусі прадаўжае знаёміць прыхільнікаў опернага і балетнага мастацтва з багатай гісторыяй Бацькаўшчыны

Легенды з мінуўшчыны

Перад спектаклямі, якія прысвечаны беларускай гісторыі, у Вялікім тэатры праходзяць цікавыя імпрэзы: выступаюць фольк-гурты, ладзяцца выставы. Нядаўна прайшоў Вечар беларускай культуры. За гадзіну да пачатку оперы “Сівая легенда” Дзмітрыя Смольскага, лібрэта да якой напісаў сам Уладзімір Караткевіч, у фае Вялікага былі выстаўлены дзве цудатворныя іконы ХVII стагоддзя: “Маці Божая Пажайская” і “Мадонна з Дзіцем”. Як гаварыў, прадстаўляючы святыні, дырэктар Музея старажытнай беларускай культуры Барыс Лазука, выстава дае магчымасць не толькі ўбачыць непаўторныя творы беларускага іканапісу, але й прадстаць перад шэдэўрамі, пранікнуцца хараством вобразаў. Мастацтвазнаўца расказаў пра гісторыю з’яўлення гэтых абразоў, адказаў на пытанні цікаўных.

А ў вызначаны час на сцэне ажыў Магілёў XVII стагоддзя. Дарэчы, “Сівую легенду” музычныя крытыкі называюць адной з найлепшых і найбольш арыгінальных ў Вялікім тэатры. Гэта гісторыя пра суровы час непрыступных замкаў, паляванняў, родавых інтрыг і, вядома ж, пра высокае каханне, якое вышэй за ўсё і пра якое складаюць легенды.

Голас Радзімы № 46 (3550), чацвер, 7 снежня, 2017 у PDF
Полная перепечатка текста и фотографий запрещена. Частичное цитирование разрешено при наличии гиперссылки.
Заметили ошибку? Пожалуйста, выделите её и нажмите Ctrl+Enter