Бялынічы. Сёлета ў Бялыніцкую цэнтральную раённую бальніцу па размеркаванні прыбылі на працу трое выпускнікоў медыцынскіх ВНУ. Сярод іх і сённяшняя загадчыца дзіцячага аддзялення ЦРБ выпускніца Гомельскага медыцынскага універсітэта бялынічанка Наталля Аўсянік, якая паспела ўжо сябе зарэкамендаваць дасведчаным і руплівым спецыялістам.
Між іншым, зараз у розных медыцынскіх навучальных установах вучацца яшчэ сямёра маладых людзей, якія затым паедуць на працу ў бялыніцкую бальніцу.
