Аднак для таго, каб царква была намінавана для ўдзелу ў этапе галасавання конкурсу, неабходна зарэгістравацца на сайце ArchDaily.com і аддаць за яе свой голас. І ў гэтым можа дапамагчы кожны з беларусаў замежжа: трэба толькі “клікнуць” мышкай пад фотаздымкам храма! У конкурсе ўдзельнічаюць больш за тры тысячы архітэктурных збудаванняў.
Дарэчы, раней беларуская царква ўжо атрымлівала ўзнагароду ў вядомым архітэктурным конкурсе New London Architecture. Пераможнае месца будынку храма было нададзена ў намінацыі “Народны выбар” па выніках інтэрнэт-галасавання. Летась будынак царквы патрапіў у спіс газеты The Times як першы драўляны храм у брытанскай сталіцы з 1666 года. Акрамя таго, царква адзначана прэміяй Каралеўскага інстытута брытанскіх архітэктараў, а будынак яе лічыцца адным з лепшых на Туманным Альбіёне.
Голас Радзімы № 5 (3557), чацвер, 1 лютага, 2018 у PDF
