Вось так, як быццам падводная лодка, наш транспартны сродак даплыў да канчатковага пункта. Без здарэнняў. Але каленкі ў мяне дрыжалі: любы неспадзяваны манеўр суседняга аўтамабіля — і гора-кіроўца наўрад змог бы правільна ацаніць абстаноўку.
Упэўнена, вадзіцель ведае, што карыстацца смартфонам у час руху забараняецца. Але ўсё роўна закон парушае. Чаму? Не мае ўяўлення, што ў яго руках жыцці пасажыраў, ды і ўласнае таксама, што, сядаючы за руль, ён бярэ адказнасць за тых, каму прадаў білеты. Адсутнасць адказнасці — сумныя наступствы.
Трагедыя, якая адбылася сёлета пад Смалявічамі, калі ў аварыі загінулі трынаццаць пасажыраў, у тым ліку трое дзяцей, а потым памёр і сам кіроўца, усхвалявала беларусаў. Як пазней стала вядома, у тым злашчасным маршрутным таксі, дзе 15 пасадачных месцаў, ехалі 19. Гэта значыць, у пагоні за нажывай грузаперавозчык проста, як селядцоў, набіў у салон людзей. Ехалі там вучні, таму што зламаўся школьны аўтобус і мясцовая ўлада не забяспечыла яго замены.
Да ўсяго гэтага можна паставіць галоўнае пытанне: чаму людзі, ад якіх на розных этапах паездкі залежала будучыня іншых, дазволілі сабе спадзявацца наўдалую? Ці думалі пасажыры, што вадзіцель, прадаючы білет школьніку на паездку стоячы, парушае правілы бяспекі? Ці спрабаваў хто-небудзь запярэчыць? Наўрад ці! Ніхто б іх клопату не зразумеў. Гэтак жа, як і я, вяртаючыся з камандзіроўкі ўсведамляла, што вадзіцель з тэлефонам на плячы, перакасіўшы вочы на дарогу, можа нас проста не давезці дадому. У думках гучала рытарычнае: «А куды ты дзенешся з падводнай лодкі?»
Дык як рэагаваць пасажырам, калі кіроўца парушае правілы дарожнага руху? У транспартнай інспекцыі Міністэрства транспарту і камунікацый, куды патэлефанавала з такім пытаннем, мне адказалі: дакладнага алгарытму дзеянняў пасажыраў, якія заўважылі парушэнні дарожнага руху вадзіцеля, няма. Звярнуцца ў ДАІ можна, але спагнанне будзе чакаць кіроўцу па прыездзе, а падчас шляху спыніць безадказныя паводзіны вадзіцеля практычна немагчыма.
Выснова напрошваецца сама: калі будзем працаваць, жыць адказна, загадзя мадэліруючы, да якіх наступстваў можа прывесці той ці іншы выпадак, кожнае дзеянне выконваць не аўтаматычна, а асэнсавана, тады не нашкодзім ні сабе, ні іншым.
А як вы ўдасканальваеце жыццё сабе і блізкім?
Дорогие друзья! Подключайтесь к нашему диалогу. Задавайте вопросы, делитесь рассуждениями о наболевшем, высказывайте слова благодарности тому, кто помог вам, подставил плечо в трудную минуту. Присылайте отзывы на наши статьи, звоните на горячий телефон (8-017) 311-02-88, а также пишите в рубрики «Земляки», «Мир увлечений», «Путешествие по родным местам», «Хотим поделиться радостью»…
С нетерпением ждем ваших писем и звонков!
