Своеасаблiвым брэндам мiнулага года на выставе лепшых тавараў Рэспублiкi Беларусь стаў вiтамiнiзаваны безалкагольны напой «Лiмон Лайм» вытворчасцi Сенненскага райспажыўтаварыства.
Такая цуда-вада ў шырокiм асартыменце выпускаецца прыватным унiтарным прадпрыемствам «Сенненскi камбiнат кааператыўнай прамысловасцi» – больш за два дзесяткi найменняў.
За змену з канвеера выдаецца чатыры i болей тысячы паўтаралiтровых ПЭТ-бутэлек са смачнымi рознакаляровымi i вiтамiнiзаванымi напоямi. Геаграфiя рэалiзацыi «жывой вады» па сенненскай тэхналогii — не толькi па вобласцi, а i за яе межамi.