Вучаніца 8-га класа Мярэцкаўскай школы Глыбоцкага раёна Марыя ДАВЫДЗЁНАК атрымала ў падарунак камп'ютар
19.06.2018 08:00:19
Владимир САУЛИЧ
ТАКІ падарунак з рук старшыні Глыбоцкага райвыканкама Алега МОРХАТА атрымала нядаўна вучаніца 8-га класа Мярэцкаўскай школы Глыбоцкага раёна Марыя ДАВЫДЗЁНАК. Падставай таму паслужыў рэкорд, які яна ўстанавіла падчас удзелу ў экалагічнай акцыі “Моладзь — за чысціню гарадоў і сёл”: сабрала і здала ў жыллёва-камунальную гаспадарку 26 тысяч пластыкавых бутэлек.
Акцыя праходзіць ў раёне ўжо каля дзясятка гадоў. Школьнікі актыўна збіраюць другасную сыравіну, у тым ліку пластыкавыя бутэлькі. І не толькі ў населеных пунктах, але і па берагах рэк, азёраў, на ўзлесках. Пераможцам і прызёрам уручаюцца тэлевізары, веласіпеды, мабільныя тэлефоны, музыкальныя інструменты і іншыя каштоўны рэчы.
Марыя Давыдзёнак прымала ўдзел ў акцыі пяць год і неаднойчы займала другое і трэцяе месцы. Але яе мэтай было ўзяць галоўны прыз — камп’ютар, чаго сёлета і дабілася. Дапамагалі ёй ў гэтым і бацькі, і суседзі, і нават бабуля, якая жыве ў суседнім Шаркаўшчынскім раёне.
saulich@bk.ru
Фота Наталлі БЕЛЬСКАЙ.
Акцыя праходзіць ў раёне ўжо каля дзясятка гадоў. Школьнікі актыўна збіраюць другасную сыравіну, у тым ліку пластыкавыя бутэлькі. І не толькі ў населеных пунктах, але і па берагах рэк, азёраў, на ўзлесках. Пераможцам і прызёрам уручаюцца тэлевізары, веласіпеды, мабільныя тэлефоны, музыкальныя інструменты і іншыя каштоўны рэчы.
Марыя Давыдзёнак прымала ўдзел ў акцыі пяць год і неаднойчы займала другое і трэцяе месцы. Але яе мэтай было ўзяць галоўны прыз — камп’ютар, чаго сёлета і дабілася. Дапамагалі ёй ў гэтым і бацькі, і суседзі, і нават бабуля, якая жыве ў суседнім Шаркаўшчынскім раёне.
saulich@bk.ru
Фота Наталлі БЕЛЬСКАЙ.