Другі дзіцячы дом сямейнага тыпу адкрыецца ў Брэсце ў канцы студзеня — пачатку лютага.
Яго пабудавалi ў раёне дзяржтэхунiверсiтэта. Зараз там завяршаюцца падрыхтоўчыя работы. Аддзел адукацыі рыхтуе бацькоў-выхавальнікаў да новых абавязкаў.
Такія дамы разлічаны на тое, каб у іх разам з бацькамі пражывала ад 8 да 10 прыёмных і родных дзяцей.
Першы дзіцячы дом сямейнага тыпу з’явіўся ў Брэсце год таму. У перспектыве ў рэгіёне плануецца стварыць яшчэ некалькі такiх дамоў.
