У казках маладая авечка з’яўляецца сімвалам чалавечага глупства і бясконцай даверлівасці.
- Народныя знахары часта выкарыстоўвалі авечак пры лячэнні цяжка хворых дзяцей. Для гэтага дзіця загортвалі ў кажух і клалі на парозе аўчарні. Бацька заганяў статак. Лічылася, што авечкі, якія пераступяць праз дзіця, забяруць яго хваробу.
- Для таго каб павялічыць колькасць авечак у статку, сяляне стараліся набыць у мясніка тую авечку, якая ішла “пад нож”. Лічылася, што такая авечка прынясе статку поспех і дабрабыт.
- Калі сяляне збіраліся стрыгчы авечак, яны чакалі, калі на небе з’явіцца маладзік, бо лічылася, што ў такім выпадку новая шэрсць нарасце хутка і будзе густой і чыстай.