Каб адносіны былі зручнымі

Цырымонія падпісання дакумента паміж Міністэрствам юстыцыі, Вярхоўным судом і Вышэйшым гаспадарчым судом Беларусі з аднаго боку і Міністэрствам юстыцыі Польшчы адбылася ў Мінску. Подпісы пад дакументам паставілі намеснік міністра юстыцыі Аляксандр Сіманаў, першы намеснік старшыні Вярхоўнага суда Аляксандр Федарцоў, намеснік старшыні ВГС Аляксей Ягораў і намеснік міністра юстыцыі Польшчы Лукаш Рэндзіняк.

Каменціруючы дакумент журналістам, Лукаш Рэндзіняк адзначыў, што пагаднене “дэцэнтралізуе судовыя звароты”. Тэкст пагаднення быў узгоднены ў мінімальныя тэрміны — на працягу шасці месяцаў. “Гэта вельмі патрэбнае пагадненне. Для нас Беларусь — важны сусед, існуе шмат міжчалавечых кантактаў, і жадаем мы таго або не, але грамадзяне дзвюх краін карыстаюцца судовай дапамогай”, — сказаў ён.

Пры гэтым Лукаш Рэндзіняк адзначыў, што колькасць судовых зваротаў з кожным годам павялічваецца. У большасці сваёй гэта заявы па грамадзянскіх справах, якія тычацца паўсядзённых пытанняў. Таксама падпісанае пагадненне будзе спрыяць і развіццю эканамічных сувязяў дзвюх краін.

Як растлумачыў намеснік міністра юстыцыі Аляксандр Сіманаў, пагадненне распрацавана на падставе дагавора паміж Беларуссю і Польшчай аб прававой дапамозе і прававых адносінах па грамадзянскіх, сямейных, працоўных і крымінальных справах, які быў падпісаны ў Мінску ў кастрычніку 1994 года. На практыцы гэтая працэдура доўгая: беларускі раённы суд звяртаецца з просьбай у раённы суд Польшчы, але просьба накіроўваецца праз Мінюст Беларусі, які затым накіроўвае яе ў Мінюст Польшчы. Пасля ўступлення ў сілу пагаднення суд Беларусі, у якім ідзе вытворчасць па справе, будзе накіроўваць просьбу аб аказанні прававой дапамогі непасрэдна ў акружны суд Польшчы, у акрузе якога яна і павінна быць выканана. Акружны суд Польшчы будзе неадкладна перасылаць яе ў суд, да кампетэнцыі якога ставіцца выкананне. Матэрыялы, якія адносяцца да выканання просьбы аб аказанні прававой дапамогі, у сваю чаргу будуць накіроўвацца польскім судом непасрэдна ў беларускі суд, які звярнуўся з просьбай. Аналагічны парадак будзе дзейнічаць і пры звароце польскіх судоў па прававую дапамогу да судоў Беларусі.