Унікальнае абсталяванне ўсталююць у мінскім кінатэатры “Перамога”.Зрэшты, рэканструкцыя закране не толькі “начынне” кінатэатра. “Экстэр’ер” будынку таксама не застанецца без увагі. Але падчас рамонту спецыялісты абяцаюць захаваць усе архітэктурныя асаблівасці кінатэатра.
— Гледачы абавязкова ацэ-няць магчымасці лічбавага абсталявання. Напрыклад, з дапамогай спадарожнікавага сігналу ў рэжыме рэальнага часу можна трансляваць канцэрты, спартыўныя спаборніцтвы з любога кутка планеты, — гаворыць генеральны дырэктар прадпрыемства “”Кінавідэапракат” Васіль Коктыш.
У новай якасці кінатэатр паўстане перад мінскімі гледачамі ў 2010 годзе. Але гэта не ўсе навіны для кінаманаў. Рэканструкцыя чакае яшчэ тры сталічныя кінатэатры: “Дружба”, “Сучаснік” і “Электрон”. Да 2012 года іх абяцаюць пераўтварыць у сапраўдныя цэнтры культуры, дзе, акрамя дэманстрацыі фільмаў, будуць праходзіць выставы, прэзентацыі, здолеюць працаваць гурткі, секцыі і студыі.
Марына Панасюк
