Статус «Культурная сталіца года» прысвойваецца ў нашай краіне з 2010-га з мэтай прэзентацыі самабытнасці гарадоў, павышэння іх турыстычнай прывабнасці, папулярызацыі традыцый і дасягненняў нацыянальнай культуры. У розныя гады культурнымі сталіцамі Беларусі былі Полацк, Гомель, Нясвіж, Магілёў, Гродна, Брэст, Маладзечна, Бабруйск, Наваполацк, Пінск. Сёлета гэту пачэсную місію выконвае Ліда. У наступным годзе, згодна з рашэннем калегіі Міністэрства культуры, культурнай сталіцай будзе Барысаў.
У рэгіёне працуюць 17 устаноў культуры раённага падпарадкавання, дзейнічаюць 34 клубныя фарміраванні, у тым ліку 25 — для дзяцей. Важна адзначыць, што Барысаўскі раён мае самы высокі паказчык у Мінскай вобласці па колькасці калектываў мастацкай творчасці са званнямі «народны», «узорны» і «заслужаны». Сэрца творчага жыцця Барысава — Палац культуры імя М. Горкага, маштабныя рамонтныя работы ў якім былі праведзены ў 2019-м.
mila@sb.by
Фота БЕЛТА