Адным з цэнтральных мерапрыемстваў свята стане духоўна-асветніцкая выстава-кірмаш “Беларусь Праваслаўная”, якая збярэ ўдзельнікаў з Беларусі, Расіі, Украіны і Грэцыі — са Святой Гары Афон. Госці фестывалю змогуць знайсці тут прадметы царкоўнага ўжытку для дома і храма, царкоўнае начынне, адзенне, абразы, духоўную літаратуру, вырабы народных майстроў, у тым ліку знакамітую арэнбургскую хустку-павуцінку. На выставе можна будзе набыць мёд і прадукты пчалярства, травяныя зборы, кедравыя бальзамы, арэхі і многае іншае. Дні працы выставы будзе суправаджаць духоўна-асветніцкая праграма, якая ўключае ў сябе канферэнцыі, творчыя сустрэчы з пісьменнікамі, музыкантамі, акцёрамі, майстар-класы для педагогаў нядзельных школ. Акрамя гэтага, у кожнага наведвальніка выставы-кірмашу будзе магчымасць задаць пытанне святарам і прыняць удзел у дабрачыннай акцыі “Будуем храм разам”, якая дазволіць унесці сваю лепту ва ўзвядзенне храма Нараджэння Іаана Хрысціцеля ў аграгарадку Буйнічы, што пад Магілёвам.
