Для ўдзелу ў конкурсе трэба да 1 верасня накіраваць у Міністэрства культуры заяўку з конкурснымі матэрыяламі за перыяд з 1 студзеня 2017 года — канцэпцыямі, творчымі праектамі, праграмамі, відэа- і фотаматэрыяламі, навуковымі публікацыямі, рэцэнзіямі, водгукамі і г. д. Музеі і галерэі могуць прэтэндаваць на перамогу ў наступных намінацыях: «За лепшае прадстаўленне музея на экспазіцыі форуму», «За навацыі ў музейнай дзейнасці», «За лепшы экспазіцыйна-выставачны праект», «За лепшую культурна-адукацыйную праграму», «За лепшае музейнае выданне». Пры вызначэнні пераможцаў журы будзе ўлічваць у першую чаргу высокі прафесійны ўзровень работ, наяўнасць арыгінальных ідэй, інавацыйных падыходаў, папулярызацыю музейных прадметаў і ўнікальнасць прэзентацыйнай формы. Вынікі конкурсу аб’явяць 6 кастрычніка на ўрачыстай цырымоніі закрыцця форуму. Пераможцы ў кожнай намінацыі атрымаюць дыпломы першай, другой і трэцяй ступеняў і грашовыя прэміі ад 30 да 50 базавых велічынь.
mila@sb.by
