Якiя ВНУ ў нас рыхтуюць спецыялiстаў у галiне космасу

У 1960—1970-я гады якога малога не спытай — усе марылі стаць касманаўтамі. А потым усплёск захаплення космасам змяніўся цікавасцю да больш зямных прафесій. У абсалютным рэйтынгу апошніх гадоў лідзіруюць «сядзячыя» спецыяльнасці, па большай частцы ў сферы IT. Хоць, трэба прызнаць, сёння спіс прафесій будучыні куды больш шырокi. І тут адно з важных месцаў належыць спецыялістам па аэракасмічных сістэмах і тэхналогіях. Што ж, зорны кірунак вяртаецца і, кажуць спецыялісты, будзе папулярны яшчэ вельмі доўга. Хто працуе і будзе працаваць у касмічнай сферы? Мы запыталіся аб гэтым у загадчыка кафедры фізікі і аэракасмічных тэхналогій БДУ, дырэктара Цэнтра аэракасмічнай адукацыі Уладзіміра САЕЧНІКАВА.

— Уладзімір Аляксеевіч, лiчыцца, што ў ВНУ краіны не так шмат спецыяльнасцей, звязаных з космасам. Ці праўда гэта?

— Гэта памылковае меркаванне. Іх шмат, проста ў назве не гучыць слова «касмічны». І таму здаецца, што ВНУ ў гэтым кірунку не працуюць. Хто ж тады будзе працаваць на прадпрыемствах, так ці інакш звязаных з тэмай космасу? А ў краіне іх нямала. Таму і БДУІР, і БНТУ ў нас рыхтуюць такіх спецыялістаў. Толькі ў БДУ гэта робяць пяць факультэтаў — наш, фізічны, факультэт прыкладной матэматыкі, мехмат і нават геаграфічны.

— Якая патрэба ў такіх спецыялістах?

— Спецыяльнасць адкрывалі не проста так. Правялі апытанне праз Мінадукацыі па ўсіх ведамствах. Гэта было ў 2007 годзе. Праінфармавалі, якія напрамкі плануецца ў рамках гэтай спецыяльнасці распрацоўваць. Акрамя ведамстваў, запыталіся ў патэнцыяльных заказчыкаў. Было 40 запытаў, на якія мы атрымалі 22 адказы. Аказалася, што на бліжэйшую перспектыву патрабуецца падрыхтаваць усяго 70 такіх спецыялістаў. Мы гэтую лічбу падзялілі практычна на тры і набралі 25 чалавек. І не памыліліся. Як мы і меркавалі, такая спецыяльнасць для нашай краіны аказалася пакуль што адзінкавай. Таму мы ідзём па шляху адкрыцця філіялаў нашых кафедраў на прадпрыемствах, якія звязаны з касмічным напрамкам. Студэнты свае курсавыя і дыпломныя працы пішуць на месцах.

— Гэта значыць, праблем з размеркаваннем выпускнікоў няма?

— Тыя хлопцы, хто вучыцца на шасцёрку і вышэй, ідуць на прадпрыемствы альбо ў аспірантуру і застаюцца выкладаць, а астатнія часцяком трапляюць на працу ў банкаўскую сферу. Напрыклад, адміністратарамі. Але і ў банк каго заўгодна не возьмуць! У цэлым у іх праблем з працаўладкаваннем няма. Іх бяруць на «Пеленг», «Агат», «Інтэграл», у шэраг прыватных фірмаў, якія займаюцца беспілотнікамі. На беларускі спадарожнік «Белінтэрсат-1» працуюць восем нашых выпускнікоў.

Читайте также

В минском центре компетенций учат обслуживать и ремонтировать электромобили. Спрос на профессионалов растет

— Моцныя бакі беларускай адукацыі ў сферы космасу — гэта...

— Фундаментальная падрыхтоўка ў сферы дакладных навук. Гэта савецкая сістэма. Мы 2,5 года выкладаем агульныя курсы матэматыкі, фізікі, матэматычнай і тэарэтычнай фізікі, потым нашым студэнтам такiя веды могуць спатрэбіцца ў самых нечаканых сітуацыях. Менавіта гэтым моцныя нашы спецыялісты.

veraart14@mail.ru