Гэта вам не жарты

Столінскія жартаўнікі перамаглі на гумарыстычным фестывалi

Столінскія жартаўнікі сталі пераможцамі гумарыстычнага фестывалю.

Абласное свята гумару традыцыйна збірае ў вёсцы Спорава Бярозаўскага раёна найлепшых жартаўнікоў.

Паводле слоў вядучага метадыста Столінскага раённага метадычнага цэнтра Ніны Лісавец, кожны ўдзельнік можа трапіць на фестываль толькі праз «мытню». Пры гэтым адзіны варыянт «платы» за яе праход — гэта нумар мастацкай самадзейнасці.

Першы дзень «Спораўскіх жартаў» столінцы прысвяцілі ўдзелу ў тэатралізаваным шэсці і выступленню ў Міжлескім цэнтры культуры. Менавіта конкурсная праграма распачалася на другі дзень мерапрыемства.

Падводзячы вынікі выступлення Валянціны Палхоўскай і Валянціны Літвінчук, журы вырашыла прысудзіць ім 1-е месца ў намінацыі «За шчыры жарт, артыстычную выразнасць, высокае выканальніцкае майстэрства і дзіўны дар дарыць людзям хвіліны смеху». Таксама не засталіся без дыплома Іна Філановіч і Віталь Калаур, якія сталі трэцімі ў такой жа намінацыі.

Акрамя гэтага, уся столінская дэлегацыя атрымала грамату за агульную конкурсную праграму.

Заметили ошибку? Пожалуйста, выделите её и нажмите Ctrl+Enter
Загрузка...
Новости