У СВК “Маціевічы” Жабінкаўскага раёна ўжо справіліся з уборкай азімага ячменю, сабралі яго па 37 цэнтнераў з гектара
А вось рапс поўнасцю яшчэ не ўдалося ўбраць — на 10 гектарах зялёны стаіць. Выйшлі камбайны на яравыя.
Гаворыць старшыня СВК “Маціевічы” Мікалай КАВАЛЬЧЫК:
— Усе экіпажы працуюць добрасумленна. Добры настрой на працу мае і экіпаж у складзе Генадзя Царука і Аляксандра Леўчука (Аляксандр працуе таксама і на адвозцы збожжа). “Толькі б надвор’е было ўстойлівым, — кажа Генадзь, — а мы не падвядзём. Збіраемся намалаціць не менш за тысячу тон”. Экіпаж пазалетась быў “тысячнікам”, а пакуль на яго рахунку 137 тон намалочанага збожжа і амаль 60 убраных гектараў рапсу і азімага ячменю.
Святлана ВІШНЕЎСКАЯ
НА ЗДЫМКУ: Генадзь ЦАРУК і Аляксандр ЛЕЎЧУК.
Фота Ірыны ЖУК