Гатуй сваё

Складнiкi: 1 кг баранiны, 1 кг бульбы, 3 цыбулiны, 1 морква, 50 г кораня салеры, 50 г кораня пятрушкi, 3 лаўровыя лiсты, 1 галоўка часнаку, 8 гарошын чорнага перцу, соль.

Баранiну нарэзаць кавалкамi сярэдняй велiчынi, абсмажыць на патэльнi да залацiстай скарыначкi. Мяса пакласцi ў саган, засыпаць карэннямi салеры, пятрушкi i морквы, нарэзанымi кубiкамi, пасалiць, дадаць перац; залiць вадой i паставiць на сярэднi агонь.

Калi вада амаль выкiпiць, засыпаць нарэзаную дробнымi кубiкамi бульбу, дробна нарэзаны часнок, лаўровы лiст i тушыць пад накрыўкай на слабым агнi да поўнай гатовасцi.

Замест бульбы можна дадаць нарэзаных кубiкамi памiдораў, кабачкоў i струкоў салодкага агароднiннага перцу. У гэтым варыянце лаўровага лiсту i чорнага перцу не ўжываць.

Складнiкi: 200 г салёных цi марынаваных грыбоў, 100 г любiвай вяндлiны*, 4 бульбiны, 1 свежы агурок, 1 свежы памiдор, 1 цыбулiна, 200 г смятаны, 1 яйка, воцат, соль, цукар, гарчыца, зялёная салата, зелянiна кропу цi пятрушкi.

Бульбу адварыць i абабраць. Грыбы, вяндлiну, бульбу i агуркi нарэзаць роўнымi дзелькамi, змяшаць. У смятану дадаць воцату, гарчыцы, солi, цукру. Атрыманай заправай залiць падрыхтаваныя прадукты. Пакласцi горкай на лiсце зялёнай салаты, упрыгожыць кружочкамi яйка, памiдора i зелянiнай.

Складнiкi: 500 г свiных рабрын, 200 г рысу, 5 сушаных грыбоў, 1 морква, 1 цыбулiна, соль, перац, 1 ст. лыжка маянэзу, 1 ст. лыжка таматавай пасты, 1 ст. лыжка гарчыцы.

Рыс прамыць у «пяцi водах» i пражыць на патэльнi (без алею) да залацiстага колеру. Моркву ачысцiць i нацерцi на тарцы*. Цыбулю ачысцiць i нашаткаваць. Грыбы зварыць, нарэзаць саломкай i падсмажыць на алеi разам з дробна нарэзанымi морквай i цыбуляй. Свiныя рабрынкi смажыць да атрымання румянай скарыначкi, залiць кiпенем i тушыць 10 хвiлiн. Потым дадаць рыс, грыбы, моркву i цыбулю, размяшаць i далiць вару, пасалiць, паперчыць. Прычынiць накрыўкай i давесцi да гатовасцi. Палiць заправай з маянэзу, таматавай пасты i гарчыцы.

Складнiкi: 300 г свежых грыбоў, 300 г кабачкоў, 2 бульбiны, 1 морква, 30 г кораня пятрушкi, 30 г кораня салеры, 1 памiдор, 1 ст. лыжка сметанковага масла, соль, зелянiна пятрушкi i шчыпяры*.

Бульбу нарэзаць кубiкамi, карэннi скрылькамi*, шчыпяры здрабнiць. Усё разам падсмажыць на масле. Свежыя грыбы перабраць, памыць, нашаткаваць i закласцi ў кiпячую ваду, варыць на працягу 30 хвiлiн. Затым дадаць падсмажаныя карэннi i бульбу. Нарэзаныя кубiкамi кабачкi i кружкi памiдораў апусцiць у суп за 10 хвiлiн да канца варкi. Гатовы суп пасыпаць зелянiнай пятрушкi.

  

Складнiкi: 50 г сала, 300 г свiных рабрынак, 200 г свiнiны, 300 г свойскай каўбасы, 2 цыбулiны, 1 морква, 50 г кораня салеры, 3 ст. лыжкi таматавай пасты, лаўровы лiст, прыправы, соль.

У глыбокай патэльнi падскварыць нарэзанае дробнымi кубiкамi сала, дадаць насечаных кавалачкамi свiных рабрынак, нарэзаных кавалачкаў свiнiны i сырой свойскай каўбасы. Падсмажыць да атрымання румянай скарыначкi, потым дадаць нашаткаванай цыбулi, нацёртых на тарцы морквы i кораня салеры. Смажыць, часта перамешваючы, потым дакласцi таматавай пасты, прыпраў i солi. Залiць кiпенем i варыць паўгадзiны.

 Муку распусцiць халоднай вадой i ўлiць у патэльню, бесперапынна памешваючы, каб не атрымалася камякоў. Патэльню пад накрыўкай паставiць яшчэ на паўгадзiны ў духоўку. Да мачанкi падаць несалодкiя налiснiкi альбо блiны цi бульбу.