Катлеты з цяляцiны з мазгамi

Складнiкi: 600 г цяляцiны, 350 г цялячых мазгоў, 40 г чэрствай булкi, 20 г воцату, 25 г молатых сухароў, 1/2 цыбулiны, 50 г сметанковага масла, 2 яйкi, соль, прыправы, зелянiна пятрушкi.

Мазгi аблiць гарачай вадой, змяшанай з воцатам*. Цяляцiну прапусцiць праз мясасечку разам з цыбуляй, булкай, намочанай у малацэ, i мазгамi. Дадаць яйкi, соль, перац, сечаную зелянiну пятрушкi, усё перамяшаць. Масу падзялiць на катлеты, абкачаць у сухарах, смажыць з абодвух бакоў на сметанковым масле.

* Воцат — уксус.

Паляндвiца, адвараная з агароднiнай*

Складнiкi: 500 г свiной паляндвiцы, 200 г кiслай капусты, 100 г карэння (цыбулi, морквы, салеры, пятрушкi), 50 г хрэну, 1 ст. лыжка мукi, 20 г сметанковага масла, заправы, соль, журавiны*.

Мяса вымыць, пакласцi ў кiпячую падсоленую ваду, зняць шум i варыць да паловы гатовасцi хвiлiн 25. Затым дадаць кiслую капусту, здробненыя моркву, пятрушку, салеру, цыбулю, перац, лаўровы лiст, дробку цукру, пасалiць да смаку i варыць усё на слабым aгнi да гатовасцi. Выняць мяса, нарэзаць укрухамi ўпоперак валокнаў i паскладаць на посуд з агароднiнай. Нацерцi хрэн для палiвання, залiць яго кiпенем, адцадзiць, падсмажыць злёгку на сметанковым масле з лыжкай мукi, размяшаць са смятанай i мясным адварам, закiпяцiць. Атрыманае палiванне дадаць да мяса i агароднiны. Упрыгожыць журавiнамi.

* Агароднiна — овощи.

Журавiны — клюква.

Пячыста са слiвамi

Складнiкi: 1 1/2 кг свiнiны, 25 г молатых сухароў, 300 г cлiў, 7 ягадаў ядлоўцу*, 50 г тлушчу, 50 г сметанковага масла, лаўровы лiст, перац, соль, цукар.

Свiнiну (без костак) нацерцi соллю, пасыпаць перцам, тоўчанымi ядлаўцовымi ягадамi, лаўровым лiстом, вышмараваць тлушчам, палiць вiном i запякаць каля дзвюх гадзiн, пераварочваючы i палiваючы сокам, якi будзе сцякаць. Слiвы намачыць у гарачай вадзе, прапусцiць праз мясасечку, дадаць сухары, падсмажаныя на масле, змяшаць усё з сокам ад мяса, закiпяцiць. Нарэзанае мяса палiць прыгатаванай заправай.

* Ядловец — можжевельник.

Шчупак, тушаны ў смятане

Складнiкi: 1 кг шчупака*, 50 г сметанковага масла, 100 г смятаны, 100 г морквы, 1 цыбулiна, 50 г кораня пятрушкi, соль, перац, памiдоры.

Вычышчаную i вытрыбушаную рыбу нарэзаць, пасалiць, змясцiць у рондаль з маслам, абкласцi морквай i пятрушкай, усыпаць перац, дадаць цыбулi, залiць усё смятанай i тушыць на слабым aгнi 30 xвiлiн. Паскладаць шчупака на посуд, упрыгожыць кавалачкамi памiдораў, палiць закрасай, атрыманай пры тушэннi рыбы.

* Шчупак — щука.

Тушаныя маслякi

Складнiкi: 600 г свежых грыбоў, 1 цыбулiна, 2 ст. лыжкi сметанковага масла, 100 г смятаны, соль, перац, зелянiна кропу i пятрушкi.

Грыбы перабраць, старанна зняўшы скурку, прамыць, дробна парэзаць. Нарэзаную кубiкамi цыбулю злёгку абсмажыць на масле, дадаць грыбы i тушыць. Затым грыбы пасыпаць мукой, дадаць да смаку смятаны, солi, перцу, насечанай зелянiны кропу i пятрушкi i давесцi да гатовасцi.

Рыба па–гультайску

Складнiкi: рыба (лiнь, акунь цi iншая рыба, якая патрабуе намаганняў, каб яе ачысцiць), буйная соль.

Рыбу, не вытрыбушваючы i не чысцячы ад лускi, нацерцi буйной соллю, паклacцi на бляху i запячы ў духоўцы з абодвух бакоў (па 20 хвiлiн на кожным баку).

По просьбе уважаемого Ю.Качука причитающийся ему авторский гонорар будет перечислен на счета Зельвенского районного социально-педагогического центра и Центра коррекционно-развивающего обучения и реабилитации г.п. Зельва.