ЗРАЗЫ 3 РЫСАМ
Складнiкi: 500 г ялавiчыны, 120 г рысу, 100 г свiнiны, 100 г сала, 2 цыбулiны, 50 г сметанковага масла, 150 г смятаны, 3 ст. лыжкi тлушчу, зелянiна кропу, прыправы, соль.
Мяса для зразаў падрыхтаваць як i ў папярэднiх рэцэптах. Рыс адварыць да паўгатовасцi, змяшаць са свiнiнай, якую загадзя прапусцiць праз мясасечку, дадаць сечаную цыбулю, зелянiну, масла, соль, прыправы i сырое яйка. На прыгатаванае мяса класцi па лыжцы начыння, загарнуць яго ў выглядзе маленькай каўбаскi i абвязаць нiткамi, затым абсмажыць на патэльнi з тлушчам з усiх бакоў. Паскладаць зразы ў рондаль* на скрылькi сала, улiць шклянку вады, тушыць на слабым агнi пад накрыўкай каля гадзiны. Зняць нiткi, залiць зразы смятанай.
* Рондаль — кастрюля.
САЛАТА 3 МАРЫНАВАНЫХ ГРЫБОЎ I ЗЯЛЁНАГА ГАРОШКУ
Складнiкi: 200 г грыбоў, 200 г зялёнага гарошку, 2 кiслыя яблыкi, 1 яйка, 3 ст. лыжкi маянэзу, 2 ст. лыжкi смятаны, цукар, 1 чырвоны салодкi перац.
Яйка зварыць i ачысцiць. Грыбы нарэзаць дзелькамi*. Яблыкi нацерцi на буйной тарцы. Грыбы i яблыкi змяшаць з зялёным гарошкам i прыправiць маянэзам, смятанай i цукрам, пасыпаць сечаным яйкам, зверху ўпрыгожыць кольцамi агароднiннага чырвонага перцу.
* Дзелькi — дольки.
ЦЕШЧЫНА СМАКАТА
Рэцэпт ад Лiлii Герман, в. Мачулiна, Ваўкавыскi раён.
Складнiкi: 2 кг паляндвiцы, 1 свiны страўнiк, 1/2 пучка чабару, 60 г солi i чорны молаты перац да смаку.
Мяса нарэзаць вялiкiмi кавалкамi таўшчынёй да 10 см, абкачаць у прыправах i солi, даць яму пастаяць суткi. Прыгатаванай сумессю напоўнiць добра вычышчаны i вымыты страўнiк. Зашыць i прыпячы шво гарачым жалезам. Закапаць у драўляныя габлюшкi*, прыцiснуць цяжкiм каменем. Праз 20 сутак павесiць сушыцца на ветры. Праз кожныя 1 — 2 сутак прасаваць качалкай цi бутэлькай.
* Закапаць у драўляныя габлюшкi — прижать между досок.
ЛОКШЫНЫ
Складнiкi: 300 г крухмалу, 1 яйка, 1 1/2 л малака, 20 г сметанковага масла, цукар i соль да смаку.
У вадзе распусцiць крухмал, дадаць яйка, цукар i соль, перамяшаць. Выпячы тонкiя блiны, нарэзаць iх саломкай, злёгку падсушыць, засыпаць у кiпень i зварыць. Локшыны перакласцi ў iншы посуд, залiць гарачым малаком, дадаўшы сметанковага масла, цукру i солi да смаку, i паставiць у духоўку на 10 хвiлiн.
ПОЛIЎКА 3 МАЛАДОЙ БУЛЬБАЙ
Складнiкi: 200 г курынага мяса, 10 маладых бульбiн, 1 ст. лыжка сметанковага масла*, соль, зелянiна пятрушкi i цыбулi.
Прыгатаваць прыварак* з курыцы. Маладую бульбу памыць, пачысцiць i варыць, не разразаючы, у невялiкай колькасцi прыварку з даданнем сметанковага масла, зелянiны пятрушкi, цыбулi, кропу. Бульбу i кавалачкi курыцы раскласцi па талерках, залiць прываркам, пасыпаць зелянiнай пятрушкi i цыбулi.
* Сметанковае масла — сливочное масло.
Прыварак — бульон.
ЖУР 3 ВЯНДЛIНАЙ
Складнiкi: 3/4 л цэду*, 1 л вады, 200 г вяндлiны*, 50 г вэнджанага сала, 2 цыбулiны, 2 маладыя бручкi, 2 морквы, 30 г кораня пятрушкi, 4 зубкi часнаку, зелянiна кропу.
Бручку ачысцiць, памыць, нарэзаць дробнымi кубiкамi, закiнуць у кiпень, паварыць 5 хвiлiн, потым ваду злiць, а бручку добра прамыць. 3 вяндлiны зварыць мясны прыварак, дастаць з яго вяндлiну i закласцi адну нашаткаваную цыбулю, нарэзаныя кубiкамi бручку i моркву, нацёрты на дробнай тарцы корань пятрушкi. Калi агароднiна зварыцца, прыварак злiць i пракiпяцiць яго з цэдам, пасалiць, дадаць нацiснутага часнаку i дробна насечанага кропу, закласцi iзноў вяндлiну. Звараную агароднiну палiць заскваркай з вэнджанага сала з цыбуляй i падаць асобна.
* Цэд — жидкая процеженная закваска овсяной или ржаной муки, соотношение воды к муке — 5:1. Муку растворить в воде, поставить в теплое место на 24 — 36 часов, процедить через сито.
Вяндлiна — ветчина.