У сувязі з гэтым, магчыма, у склад новага архітэктурнага ансамбля будзе ўключаны будынак першай мінскай электрастанцыі, які захаваўся на беразе Свіслачы з 1895—1912 гадоў. Рэспубліканская навукова-метадычная рада па пытаннях гісторыка-культурнай спадчыны пры Міністэрстве культуры прыняла рашэнне аб немагчымасці выключэння былой электрастанцыі з Дзяржаўнага спісу гісторыка-культурных каштоўнасцей. У рашэнні рады адзначаецца, што комплекс былой электрастанцыі знаходзіцца на тэрыторыі, якая вызначаецца надзвычай высокім гісторыка-культурным патэнцыялам і з’яўляецца неад’емным элементам забудовы ансамбля праспекта Незалежнасці. У той жа час эксперты ЮНЕСКА ўжо не раз гаварылі пра магчымасць уключэння намінацыі “Архітэктурны ансамбль праспекта Незалежнасці” ў Спіс сусветнай спадчыны.
Гатэль плюс электрастанцыя. Побач з будынкам цырка ў Мінску да 2013 года плануецца ўзвядзенне гатэльнага комплексу сусветна вядомай кампаніі “Кемпінскі”.
