Школе мастацтваў у аграгарадку Ціхінічы Рагачоўскага раёна яшчэ няма і года. Але папулярнасць сярод дзяцей і іх бацькоў у школы зайздросная — цяпер яе наведвае амаль сто хлопчыкаў і дзяўчынак. Кожны змог знайсці сабе занятак па душы: адны вучацца іграць на музычных інструментах, іншыя асвойваюць тэхніку аплікацыі і саломапляцення.
Нямала і такіх, хто наведвае заняткі студыі малюнка і жывапісу. Упершыню за апошнія гады ў Ціхінічы, у школу мастацтваў, прыехалі працаваць па размеркаванні маладыя спецыялісты з Гомеля...
