Музей гісторыі беларускай літаратуры сумесна з Саюзам пісьменннікаў Беларусі рэалізуюць цікавы праект “Дзеці вайны”

Праект прымеркаваны да юбілею Перамогі. “Хоць мной вайна не перажыта, / Аднак уздрыгваю і ў сне:/ О, колькі землякоў забіта / На той бязлітаснай вайне...” — радкі аднаго з вершаў Анатоля Зэкава. Бацькі яго былі дзецьмі вайны, адзін дзядуля не вярнуўся з яе. Таму той час і адгукаецца ў сэрцы паэта, шмат яго твораў — ваеннай тэматыкі. На творчай сустрэчы ў мінскім Ліцэі №3 машынабудавання Анатоль Зэкаў прэзентаваў сваю кнігу “Параненая памяць”, якая выйшла ў серыі “Дзеці вайны”.