Пра тое, што альпіністы на пачатку мая ўзышлі на вяршыню Сток Кангры ў індыйскіх Гімалаях, паведамляў у СМІ кіраўнік беларускай экспедыцыі Сяргей Варывода. З публікацый у інтэрнэце вынікае: з-за небяспекі падземных штуршкоў давялося павялічыць хуткасць пад’ёму, мала было часу і на акліматызацыю — вось і давялося рызыкаваць. Гэта, па словах альпініста, было першае ў Беларусі ўзыходжанне на гімалайскі шасцітысячнік не ў сезон і без папярэдняй акліматызацыі: за тры дні.
На вяршыню 4 мая ў 13.10 падняліся бізнесмен Андрэй Аноп і першакурснік Беларускага дзяржуніверсітэта інфарматыкі ды радыёэлектронікі Аляксей Варывода. І хоць пабывала на гары адна звязка, у альпінізме гэта: “залік” экспедыцыі.
Іван Іванаў