Члены Савета Рэспублікі Нацыянальнага сходу Беларусі адобрылі праект закона Рэспублікі Беларусь “Аб вышэйшай адукацыі”. Законапраектам замацоўваецца двухступеньчатая сістэма навучання, якая ўключае падрыхтоўку спецыялістаў і магістраў.
Дыпламаваны спецыяліст будзе запатрабаваны для работы на прадпрыемствах, а ступень магістра прызначана для павышэння навыкаў навукова-даследчай работы. Такім чынам, прадугледжана атрыманне студэнтам і двух дакументаў аб вышэйшай адукацыі пасля завяршэння магістратуры. Прызнанне дакументаў аб атрыманні адукацыі будзе ажыццяўляцца ў адпаведнасці з дзеючымі міжнароднымі дагаворамі. У законапраекце дадзена азначэнне тыпам вышэйшых навучальных устаноў: класічны універсітэт, профільны універсітэт (акадэмія, кансерваторыя), інстытут, вышэйшы каледж.
У нарматыўным акце таксама прадугледжана новая форма акадэмічнага водпуску — па фінансавых прычынах, калі студэнт платнай формы навучання не ў стане заплаціць за навучанне.
У праекце закона адлюстраваны асаблівасці адукацыйнага працэсу і навуковай дзейнасці ў вышэйшых навучальных установах, акрэслены парадак бягучай і падагульняючай атэстацыі. Заканадаўча замацоўваецца норма аб размеркаванні выпускнікоў, а таксама парадак пакрыцця бюджэтных сродкаў у выпадку адмовы з’явіцца на месца размеркавання.
Уладзімір Дорахаў
Два ўзроўні вышэйшай адукацыі
Члены Савета Рэспублікі Нацыянальнага сходу Беларусі адобрылі праект закона Рэспублікі Беларусь “Аб вышэйшай адукацыі”. Законапраектам замацоўваецца двухступеньчатая сістэма навучання, якая ўключае падрыхтоўку спецыялістаў і магістраў.