Духмяны каравай пад Белай Вежай

ТОЕ, што ў Камянцы праходзіць абласны фестываль-кірмаш працаўнікоў вёскі «Дажынкі-2012», было заўважана яшчэ на шляху з Брэста: саламяныя млыны, макеты старажытных вежаў, складзеныя са звычайных цюкоў, ды з густам убраныя вазочкі з запрэжанымі ў іх конямі так і запрашалі на свята. Ну а ў самім райцэнтры не засталося бадай месца, дзе не гучалі б вясёлыя песні, не паказвалі свае вырабы народныя майстры, не частавалі рознымі прысмакамі гаспадары гандлёвых палатак ды вулічных кафэ.

У Камянцы ўшанавалі лепшых хлебаробаў Брэстчыны

ТОЕ, што ў Камянцы праходзіць абласны фестываль-кірмаш працаўнікоў вёскі «Дажынкі-2012», было заўважана яшчэ на шляху з Брэста: саламяныя млыны, макеты старажытных вежаў, складзеныя са звычайных цюкоў, ды з густам убраныя вазочкі з запрэжанымі ў іх конямі так і запрашалі на свята. Ну а ў самім райцэнтры не засталося бадай месца, дзе не гучалі б вясёлыя песні, не паказвалі свае вырабы народныя майстры, не частавалі рознымі прысмакамі гаспадары гандлёвых палатак ды вулічных кафэ.

На галоўнай сцэне свята, ля старажытнай Камянецкай вежы, адбылося галоўнае дзейства фестывалю. Тут з удзелам намесніка Прэм’ер-міністра Рэспублікі Беларусь Анатоля Калініна, старшыні Брэсцкага аблвыканкама Канстанціна Сумара ўшаноўвалі лепшых хлебаробаў вобласці.

У абласным спаборніцтве на жніве першае месца заняў Іванаўскі раён (старшыня райвыканкама — Юрый Бісун, начальнік райсельгасхарчу — Аляксандр Баль). Па ўмовах першынства дыпломамі пераможцаў былі ўшанаваны камбайнеры Уладзімір Стрыж с КУВП «Бярозаўскае» Бярозаўскага раёна, Андрэй Юруць і Юрый Сяргей з ААТ «Ляхавіцкі райаграсэрвіс», Уладзімір Рэдкі і Валянцін Шульжык з СВК «Фядорскі» Столінскага раёна. Кіраўнік вобласці Канстанцін Сумар і яго намеснік Якаў Бухавецкі ўручылі ўзнагароды лепшым вадзіцелям на адвозцы збожжа, машыністам зернеачышчальна-сушыльных комплексаў, аграномам і інжынерам гаспадарак.

Самыя вядомыя мастацкія калектывы Брэстчыны — народны ансамбль «Пінская шляхта», узорны ансамль танца «Непаседы», ансамбль песні і музыкі «Мірскія музыкі», народны тэатр «Хмелеўскія валацугі» — дарылі пераможцам абласнога спаборніцтва на жніве свае музычныя творы.

Аляксандр КУРЭЦ, «БН»

Заметили ошибку? Пожалуйста, выделите её и нажмите Ctrl+Enter
Версия для печати
Заполните форму или Авторизуйтесь
 
*
 
 
 
*
 
Написать сообщение …Загрузить файлы?