У работах выкарыстаны колеры, якiя можна ўбачыць у геральдыцы Мiнска, i ўсеiх адценнiУ гэтым годзе маштабнае свята пройдзе пад дэвізам «Сустрэнемся ў Мінску». І невыпадкова, што новыя элементы ўпрыгажэння з’явяцца ў першую чаргу менавiта на чыгуначным вакзале.
— Рыхтуем да ўстаноўкі дзве фотазоны, — паказвае нам эскізы Сяргей Праляскоўскі, галоўны канструктар, начальнік канструктарска-тэхнічнага аддзела ДП «Мінскрэклама». – Яны складаюцца з дзвюх частак: элегантныя дама і кавалер у старажытных уборах, у якіх можа «ператварыцца» любы жадаючы, на фоне размешчаных веерам фотаздымкаў горада — ад старадаўніх часоў да нашых дзён. Кампазіцыя называецца «Старонкі гісторыі любімага горада». Адна размесціцца каля чыгуначнага вакзала, другая, верагодна, – каля гарадскога Палаца культуры ў Лошыцы.
Не застануцца па-за ўвагай і аўтамабільныя ўезды ў горад з абласных цэнтраў – там аформяць прыгожыя ўязныя знакі.
Бігстэнды, якія ўжо традыцыйна выкарыстоўваюцца пры ўпрыгажэнні горада, на гэты раз стылізуюць пад вежы «Вароты Мінска», аздобленыя аб’ёмнымі літарамі, і ўстановяць каля стэлы «Мінск – горад герой».
На зялёнай зоне каля скрыжавання праспекта Пераможцаў і вулiцы Машэрава ўзводзіцца рыцарскі гарадок – пляцоўка для фестывалю гісторыі і культуры «Мінск старажытны». Сяргей Баляслававіч заўважае, што гэта складаны аб’ект: крэпасць, рысталішча, вежы, таверна, не кажучы ўжо пра трыбуны, і ўсё гэта з бярвенняў – лічы, сапраўднае будаўніцтва!
А які ж дзень нараджэння без торта? Канструкцыя ў выглядзе трох’яруснага салодкага пачастунку з’явіцца каля гарадской Ратушы на плошчы Свабоды. Каб ён цалкам змясціўся на памятным здымку, фатографу давядзецца адыходзіць далей: дыяметр асновы торта больш за чатыры з паловай метры, а вышыня разам са свечкамі – каля пяці метраў. Праўда, 951 свечка на ім не змесціцца, але адпаведная лічба будзе выведзена электрычнымі агеньчыкамі, стылізаванымі пад свечкі. Упрыгожаць торт віньеткамі з відамі Мінска.
Пiлоны, раздрукаваныя на вялiзным палотнiшчы, неабходна разрэзаць, а потым сшыць у выглядзе«кiшэняў»ДП «Мінскрэклама» афармляе праспекты Незалежнасці і Пераможцаў, цэнтральныя, а таксама раённыя пляцоўкі, дзе праходзяць асноўныя мерапрыемствы і масавыя гулянні. Зараз падрыхтоўка ў разгары: супрацоўнікі прадпрыемства друкуюць пілоны, рыхтуюць да мантажу металічныя канструкцыі, займаюцца вязаннем традыцыйнага пано на будынку педуніверсітэта.
— У работах выкарыстана 26 колераў, — працягвае Сяргей Баляслававіч. – За аснову бралі тыя, што можна ўбачыць на гербе Мінска: сіні, белы, жоўты, чырвоны і ўсе іх адценні.
Нарыхтоўкі для пілонаў друкуюцца на спецыяльнай прагумаванай тканіне машынай накшталт вялізнага прынтара. Потым палотнішчы разрэжуць, з іх сшыюць «кішэні», якія надзенуць на пілонатрымальнікі і ўмацуюць на слупах. Для горада іх патрэбна каля тысячы. Значна больш яркіх сцяжкоў са штучнага шоўку пойдзе на афармленне пано з выявай знакамітых месцаў Мінска на фасадзе педуніверсітэта – не менш за 7900 штук звяжуць на 66 модулях агульным памерам 720 квадратных метраў.
Мантаж упрыгажэнняў плануецца завяршыць 5—6 верасня.
