На сесіі Палаты прадстаўнікоў будуць разгледжаны важныя законапраекты.
“Цяпер падрыхтаваны стартавы задзел па фарміраванні парадку дня маючай адбыцца сесіі”, — адзначыў старшыня ніжняй палаты беларускага парламента Вадзім Папоў.
Дэпутаты дапрацавалі дакументы, скіраваныя на пашырэнне прававога поля міжнароднага супрацоўніцтва Беларусі. У прыватнасці, парламентарыі маюць намер ратыфікаваць дамову з Расіяй аб рэгуляванні пытанняў уласнасці Саюзнай дзяржавы, дамову паміж Беларуссю і Латвіяй аб супрацоўніцтве ў галіне сацыяльнага забеспячэння, асноўную дамову аб супрацоўніцтве з Дзіцячым фондам ААН, беларуска-в’етнамскую дамову аб паветраных зносінах.
У праект парадку дня сесіі ўключаны таксама папраўкі ў некаторыя законы па пытаннях дзяржаўнага і мабілізацыйнага матэрыяльных рэзерваў, дапаўненні ў закон аб мерах па прадухіленні легалізацыі даходаў, атрыманых незаконным шляхам, і фінансавання тэрарыстычнай дзейнасці, змяненні ў законе аб культуры.
Распрацаваны блок законапраектаў па пытаннях экалогіі прыродакарыстання. Цяпер у Палаце прадстаўнікоў ідзе падрыхтоўка новага законапраекта аб ахове атмасфернага паветра. Гэты дакумент таксама занесены ў парадак дня маючай адбыцца парламенцкай сесіі.
Наталля Іллічова
Дэпутаты пашыраюць прававое поле
На сесіі Палаты прадстаўнікоў будуць разгледжаны важныя законапраекты